واشنگٹن: امریکی صدر ڈونلڈ ٹرمپ نے ٹیکس اور اخراجات بارے اپنے بگ بیوٹی فل بل پر دستخط کردیئے۔
غیر ملکی میڈیا کے مطابق ڈونلڈ ٹرمپ نے وائٹ ہائوس میں فوجی خاندانوں کیساتھ پکنک کے بعد فوجی افسروں اور جوانوں کو خراج تحسین پیش کرتے ہوئے کہا کہ آئندہ ہفتے غزہ معاہدہ ہو سکتا ہے، غزہ سے متعلق بہت کچھ کرنا ہے، وہاں بہت سی امداد بھیج رہے ہیں، حماس کا غزہ جنگ بندی معاہدے پر مثبت جواب بہت اچھا اقدام ہے۔
انہوں نے کہا کہ افغانستان جنگ میں جانا ہماری تاریخ کا سیاہ دن تھا، افغانستان میں امریکا کے اربوں ڈالر ضائع ہو گئے۔
انہوں نے کہاکہ امریکی سٹاک مارکیٹ آج بلندترین سطح پر ہے، امریکا کو عظیم ترین بنائیں گے، امریکی فضائیہ نے چند روز قبل کامیاب آپریشن کیا۔
انہوں نے کہا کہ ہم نے امریکہ کی طاقت کو بحال کیا، بائیڈن دور میں 21ملین افراد غیر قانونی طور پر امریکہ میں داخل ہوئے تاہم اب ہمارے بارڈرز پہلے سے زیادہ محفوظ ہیں۔
