حکومت پنجاب نے پرتشدد احتجاج ،جلائو گھیرا ئوواقعات پر قابو پانے کیلئے رائٹ مینجمنٹ پولیس متعارف کروانے کا فیصلہ کرلیا ۔ پولیس ذرائع کے مطابق رائیٹ مینجمنٹ ٹیم کے نام سے آپریٹ کرنیوالی فورس 200افسران پر مشتمل ہوگی ،ٹیم کے ماتحت 15یونٹس مختلف کردار ادا کریں گے۔
ذرائع کے مطابق فورس کو کارروائی کیلئے قانونی اختیارات فراہم کرتے ہوئے موب کنٹرول یونٹ ، واٹر کینن یونٹ ، ربڑ بلٹ یونٹ ،اسٹن گن یونٹ میں تقسیم کیا جائے گا ۔پولیس ذرائع کے مطابق رائیٹ ٹیم تربیت یافتہ کتوں کا استعمال بھی کرے گی جبکہ ٹیم کو سرویلنس ڈرونز، الیکٹرک شاک شیلڈز،جدید وہیکلز سمیت 25اقسام کے آلات فراہم کئے جائیں گے ۔
