حکومتی و جوائنٹ ایکشن کمیٹیوں نے پرتشدد واقعات سے ہلاکتوں پر انسداد دہشت گردی ایکٹ کے تحت مقدمات درج کرنے پر اتفاق کرلیا۔
ذرائع کے مطابق وفاقی اور جوائنٹ ایکشن کمیٹیوں کے درمیان کامیاب مذاکرات کے بعد معاہدہ طے پا گیا۔ معاہدے کے نکات کے مطابق پرتشدد واقعات سے ہلاکتوں پر انسداد دہشت گردی کے تحت مقدمات درج کئے جائینگے، یکم اور 2 اکتوبر کو جاں بحق ہونے والے افراد کے لواحقین کو معاوضہ دیا جائے گا، زخمیوں کو فی کس 10لاکھ روپے دیے جائیں گے جبکہ شہداء کے خاندان میں سے ایک شخص کو 20دن میں سرکاری نوکری دی جائے گی۔
معاہدے کے مطابق مظفرآباد، پونچھ ڈویژن میں 2اضافی سیکنڈری ایجوکیشن بورڈ بنائے جائیں گے، دونوں بورڈ کا فیڈرل بورڈ سے الحاق کیا جائے گا۔
معاہدے کے مطابق آزاد کشمیر حکومت 15 دن میں ہیلتھ کارڈ کیلئے فنڈز جاری کرے گی جبکہ حکومت پاکستان بجلی ترسیل کے نظام کی بہتری کیلئے 10ارب روپے دے گی۔
