اقوام متحدہ: چین کے ایک مندوب نے تمام صومالی فریقین پر زور دیا کہ وہ اپنی رفتار برقرار رکھیں، بات چیت اور اتحاد کو مضبوط بنائیں اور بات چیت کے ذریعے اختلافات کو حل کرنے کے لیے پرعزم رہیں۔
اقوام متحدہ میں چین کے نائب مستقل مندوب دائی بنگ نے صومالیہ کے بارے میں اقوام متحدہ کی سلامتی کونسل کی بریفنگ میں کہا کہ حالیہ برسوں میں صومالیہ نے قومی تعمیر نو اور امن و سلامتی میں اہم پیش رفت کی ہے اور اقوام متحدہ اور افریقی یونین (اے یو) دونوں مشن ایک اہم عبوری دور میں داخل ہوگئے ہیں۔
انہوں نے کہا کہ اس اہم مرحلے پر، بین الاقوامی برادری کی حمایت اور مدد میں نرمی نہیں آ سکتی ہے۔ انہوں نے تین نکات پر زور دیا کہ سیاسی استحکام کی مجموعی صورتحال کو برقرار رکھنا،سکیورٹی منتقلی کی بنیاد کو مضبوط بنانااور یو این ایس او ایم (صومالیہ میں اقوام متحدہ کے امدادی مشن) کی منتقلی کو منظم انداز میں آگے بڑھانا ہے۔
دائی نے کہا کہ اگلے مرحلے میں ، اے ٹی ایم آئی ایس (صومالیہ میں افریقی یونین ٹرانزیشن مشن) ایک نئے اے یو مشن میں منتقل ہوگا ، انہوں نے اس امید کا اظہار کیا کہ صومالیہ ، اے یو ، اقوام متحدہ اور دیگر نئے مشن کے انتظامات پر اتفاق رائے تک پہنچنے اور متعلقہ کام کی ہموار پیش رفت کو یقینی بنانے کے لئے اپنے رابطے اور ہم ٓہنگی کو مضبوط بنائیں گے۔
