تہران: ایران نے اسرائیل کو سخت پیغام دیتے ہوئے کہا ہے کہ یکطرفہ ضبط کا معاملہ ختم ہوگیا، کسی بھی اسرائیلی حملے کا غیر روایتی جواب دیا جائیگا، دیگر ممالک بھی اسرائیل کیخلاف تنازع میں خود کو نہ الجھائیں ورنہ انہیں بھی جائز ہدف سمجھا جائے گا۔
غیر ملکی میڈیا کے مطابق ایران نے امریکہ کو سخت پیغام دیتے ہوئے کہا ہے کہ یکطرفہ ضبط کا معاملہ ختم ہوگیا ہے، یکطرفہ تحمل ایران کی قومی سلامتی کی ضرورت پوری نہیں کر رہا،کسی بھی اسرائیلی حملے کا غیر روایتی جواب ملے گا، اس بار اسرائیلی انفراسٹرکچر کو نشانہ بنایا جائے گا۔
ایران نے دیگر ممالک کو بھی خبردار کیا ہے کہ وہ اسرائیل کے خلاف تنازع میں خود کو نہ الجھائیں، ورنہ انہیں بھی جائز ہدف سمجھا جائے گا۔بیان میں کہا گیا ہے کہ ہمارا ردعمل صرف حملہ آور کیخلاف ہوگا، اگر کسی ملک نے حملہ آور کی مدد کی تو اسے شریک جرم سمجھا جائے گا۔
