راولپنڈی: ایف آئی اے سائبر کرائم راولپنڈی نے خود کو امریکی شہری ظاہر کر کے یونیورسٹی طالبات کو بلیک میل کرنے والا گارڈ گرفتار کرلیا۔ تفصیلات کے مطابق ایف آئی اے سائبر کرائم سرکل راولپنڈی نے جناح گارڈن اسلام آباد میں کارروائی کرتے ہوئے خود کو امریکی شہری اور ایف آئی اے اہلکار ظاہر کر کے طالبات کو بلیک میل کرنیوالے نجی یونیورسٹی کے گارڈ کو گرفتار کرلیا۔
حکام کے مطابق ملزم محمد جابر طالبات کو اپنے جال میں پھنسا کر جنسی طور پر ہراساں کرتا تھا۔ حکام کے مطابق ملزم کے موبائل فون سے قابل اعتراض مواد برآمد کیا گیا ہے اوروہ گزشتہ کئی ماہ سے طالبات کو جنسی طور پر ہراساں کررہا تھا۔ حکام کے مطابق گرفتار ملزم سے تفتیش کا آغاز کردیا گیا ہے۔
