راولپنڈی: راولپنڈی میں ڈینگی تیزی سے پھیلنے لگا ، 34 افراد میں وائرس کی تصدیق ہوگئی۔ ذرائع کے مطابق رواں سال 2025ء میں اب تک 4076افراد کی سکریننگ کی گئی جن میں 34کنفرم کیسز سامنے آئے ہیں، اب تک وائرس سے کوئی ہلاکت رپورٹ نہیں ہوئی ہے۔ حکام کے مطابق راولپنڈی میں 17528ہاٹ سپاٹس رجسٹرڈ ہیں جن میں سے 97.93فیصد کیسز کو کوریج حاصل ہے۔
حکام کے مطابق شہر میں 12یونین کونسلز میں ڈینگی کی خطرناک سطح پائی گئی ہے۔ سال 2025میں اب تک 56162ڈینگی کے لاروا برآمد ہوئے ہیں اور 9880مقامات پر کیسز مثبت آئے ہیں۔حکام کے مطابق 2025ء میں ڈینگی ایس او پیز کی خلاف ورزی پر 1743ایف آئی آرز، 3276چالان اور 238سیلنگ رپورٹ ہوئیں۔
بیان کے مطابق انسدادِ ڈینگی کیلئے 294آئوٹ ڈور ٹیمیں کام کررہی ہیں جبکہ 889ان ڈور ٹیمیں سرگرم ہیں، انسداد ڈینگی مہم کیلئے 717آئی آر ایس پمپ، 89دستی اور 40گاڑیوں پر نصب فوگر مشینیں فعال ہیں۔
