لاہور: اداکار ثمر جعفری نے کہا ہے کہ میری پسندیدہ بولی وڈ فلم تارا رم پم ہے، میں سیف علی خان کے اس سین کی نقل کیا کرتا تھا جس میں ان کی گاڑی ریس کے دوران الٹ جاتی ہے، میں اپنی ریموٹ کنٹرول کار پر بیٹھ کر اس سین کی نقل کیا کر تا تھا۔
ایک انٹرویو میں انہوں نے کہا کہ بچپن سے ہی انہیں اداکاری کا شوق تھا، وہ مختلف کرداروں کی نقل کیا کرتے تھے۔
انہوں نے کہا انہیں اپنے والدین کی مکمل حمایت حاصل ہے، لیکن ان کے والدین ہمیشہ کہتے ہیں کہ اداکاری اور گلوکاری ضرور کرو، مگر تعلیم کو ہرگز نہ چھوڑو۔
ثمر جعفری نے اس بات سے اتفاق کرتے ہوئے کہا کہ وہ تعلیم کی اہمیت سے بخوبی واقف ہیں اور ان کا پختہ ارادہ ہے کہ وہ اپنی ڈگری مکمل کریں گے۔
انہوں نے کہا وہ ڈراما پرورش میں ولی کے کردار سے خود کو اس لیے بھی قریب محسوس کرتے ہیں کیونکہ ولی کی طرح انہیں بھی میوزک سے گہرا لگا ہے۔ ثمر جعفری نے بتایا کہ انہوں نے کئی گانے لکھ کر رکھے ہیں، جنہیں وہ مستقبل میں ریلیز کرنے کا ارادہ رکھتے ہیں۔
