ایران نے امریکا کو مذاکرات ترکیہ سے عمان منتقل کرنے کیلئے رضا مند کر لیا جو واشنگٹن کیساتھ حالیہ کشیدگی میں تہران کی سب سے بڑی کامیابی ہے۔
غیر ملکی میڈیا کے مطابق ایران کی درخواست پر امریکی صدر ڈونلڈ ٹرمپ کی انتظامیہ نے بڑا فیصلہ کیا ہے، ایران نے دوطرفہ مذاکرات ترکیہ سے عمان منتقل کرنے کا مطالبہ کیا تھا۔
میڈیا رپورٹس کے مطابق ایران اور امریکا کے درمیان مذاکرات اب جمعہ کے روز عمان میں ہونگے۔
اس حوالے سے ایرانی وزارت خارجہ کا کہنا ہے کہ تہران کی واشنگٹن کیساتھ مذاکرات کیلئے تیاری مکمل ہے۔
