کوئٹہ کے نجی ہسپتال میں گیس لیکیج کے باعث دھماکے سے 7 افراد زخمی ہوگئے۔پولیس حکام کے مطابق بلوچستان کے ضلع پشین میں بائی پاس کے قریب نجی ہسپتال میں گیس لیکیج کے باعث زور دار دھماکہ ہوا جس سے ہسپتال کی عمارت کو شدید نقصان پہنچا، دیواریں اور کھڑکیاں ٹوٹ گئیں۔
ریسکیو حکام کے مطابق دھماکے سے 7 افراد زخمی ہوئے جنہیں سول ہسپتال پشین منتقل کردیا گیاہے۔ حکام کے مطابق پولیس اور سکیورٹی فورسز نے جائے وقوعہ سے شواہد اکٹھے کر کے تحقیقات شروع کردی ہیں۔
