بنگلادیشی کرکٹر مستفیض الرحمان کو آئی پی ایل سے ریلیز کرنے پر بنگلادیش کرکٹ بورڈ نے بھی احتجاجاً ٹی ٹوئنٹی ورلڈکپ کیلئے اپنی ٹیم کو بھارت نہ بھیجنے کا فیصلہ کرلیا ہے۔
ذرائع کے مطابق اس سلسلے میں بنگلادیش کرکٹ بورڈ حکومت کو اپنے فیصلے سے آگاہ کریگا، بی سی بی حکومتی مشاورت کے بعد باضابطہ اعلان کریگا۔
بی سی بی ذرائع کے مطابق حکومتی فیصلے کیساتھ ہی بنگلادیش کرکٹ بورڈ آئی سی سی کو بھی آگاہ کریگا، بی سی بی ورلڈکپ میں اپنے میچز سری لنکا میں کرانے کا کہے گا۔
آئی سی سی ٹی ٹوئنٹی ورلڈکپ میں بنگلادیش کے میچز بھارت میں شیڈول ہیں۔
بنگلادیش کی ٹیم کو اپنے 3 میچز کولکتہ اور ایک میچ ممبئی میں کھیلنا ہے۔
