کراچی کے ساحل سمندر سی ویو پر عالمی معیار کی کراچی میراتھن ریس کا شاندار انعقاد کیا گیا جس میں دنیا کے 25 مختلف ممالک سے تعلق رکھنے والے 7ہزار سے زائد افراد نے شرکت کی، اس رنگا رنگ سپورٹس ایونٹ نے شہر قائد کو صحت، جوش اور جذبے کا مرکز بنا دیا۔
میراتھن ریس میں مردوں، خواتین اور بچوں نے بڑی تعداد میں حصہ لیا جبکہ مختلف عمر کے افراد کی شمولیت نے ایونٹ کو مزید منفرد بنا دیا۔
منتظمین کے مطابق ریس کو چار کیٹیگریز میں تقسیم کیا گیا ہے جن میں 42، 21، 10 اور 5 کلومیٹر شامل تھیں، پہلے رانڈ میں فل میراتھن 42 کلومیٹر اور ہاف میراتھن 21 کلومیٹر کی دوڑ منعقد کی گئی جبکہ دوسرے رانڈ میں 10 اور 5 کلومیٹر کی کیٹیگریز پر مشتمل ریس کرائی گئی، میراتھن کا آغاز ساحل سی ویو پر واقع نشان پاکستان سے ہوا اور اختتام بھی اسی مقام پر ہوا، ریس کے دوران سکیورٹی کے سخت انتظامات کئے گئے تھے جبکہ شرکا کی سہولت کیلئے طبی امداد اور ریفریشمنٹ پوائنٹس بھی قائم کئے گئے تھے۔
منتظمین کے مطابق کراچی میراتھن ریس کا بنیادی مقصد عوام میں صحتمندانہ طرز زندگی کو فروغ دینا، جسمانی سرگرمی کی اہمیت اجاگر کرنا اور مثبت سماجی سرگرمیوں کو فروغ دینا ہے۔
شہریوں نے کامیاب ایونٹ کو خوش آئند قرار دیتے ہوئے اسکے تسلسل کی خواہش کا اظہار کیا ہے۔
