ملتان: چیئرمین سینیٹ یوسف رضا گیلانی نے کہا ہے کہ ملک اِس وقت مشکل حالات سے گزر رہا ہے، ہمیں تنقید کے بجائے قومی یکجہتی کا مظاہرہ کرنا ہوگا، ہم مل کر ایک ٹیم کی طرح کام کررہے ہیں، یہ اجتماعی کام ہے، اِس میں نمبر بنانے کی ضرورت نہیں۔
اپنے آبائی شہر ملتان میںمیڈیا سے گفتگو کرتے ہوئے انہوں نے کہا کہ آج کا دن سب سیزیادہ خطرناک ہے،لوگوں کو سیلاب کے پانی سے نکالنے کے لیے انتظامیہ متحرک ہے۔
انہوں نے کہا کہ دریا کے قریب رہنے والے تمام افراد محفوظ مقام پرمنتقل ہوجائیں، سیلاب متاثرہ علاقوں میں کیمپ لگائے گئے ہیں، اِس مشکل وقت میں عوام کو تنہا نہیں چھوڑیں گے، وزیراعلی پنجاب مریم نواز متاثرہ علاقوں کے فلڈ کیمپس کا دورہ کر رہی ہیں جب کہ امدادی ٹیمیں متاثرین کو ریسکیو کرنے میں مصروف ہیں۔
