تہران: ایران کے نائب وزیر خارجہ سعید خطیب زادہ نے کہا ہے کہ ہمیں امریکاکے ساتھ کسی بھی قسم کے بالواسطہ رابطے یا مذاکراتی عمل میں شامل ہونے کی کوئی جلدی نہیں۔
اپنے ایک بیان میں انہوں نے کہا کہ واشنگٹن کو سمجھنا چاہیے کہ وہ جارحانہ روش اپنا کر دوسروں کی خودمختاری اور سالمیت پر حملہ نہیں کر سکتا ۔ انہوں نے امریکی پالیسی پر تنقید کرتے ہوئے کہا کہ امریکاجب دیگر ممالک کی پرامن نیوکلیئر تنصیبات پر حملے کی بات آتی ہے، تو کوئی سرخ لکیر تسلیم نہیں کرتا ۔
خطیب زادہ نے ایران کے جوہری پروگرام سے متعلق کہا کہ60 فیصد تک افزودہ یورینیم مکمل طور پر بین الاقوامی جوہری توانائی ایجنسی (آئی اے ای اے )کی نگرانی میں ہے،ایجنسی کے معائنہ کار جلد دوبارہ ایران کا دورہ کریں گے۔
