اداکار فیروز خان کی اہلیہ ڈاکٹر زینب نے طلاق سے متعلق خبروں پر اپنا ردعمل دیا ہے۔
انہوں نے سوشل میڈیا پر وائرل ہونے والی طلاق کی خبروں کے حوالے سے کہا کہ ان سے منسوب خبریں غلط ہیں اور سوشل میڈیا پیجز جھوٹ پھیلا رہے ہیں۔
اداکار فیروز خان کی اہلیہ نے سوشل میڈیا پر گردش کرنے والی اپنی مبینہ اسٹوری کا اسکرین شاٹ شیئر کیا اور کہا کہ میں نے ایسی کوئی اسٹوری پوسٹ نہیں کی، ان کا کہنا تھا کہ یہ اسٹوری میں نے شیئر نہیں کی۔
انہوں نے اپیل کرتے ہوئے کہا کہ ایسے پیجز پر یقین نہ کریں اور جھوٹی خبریں پھیلانے والے اکاؤنٹس کو رپورٹ کریں کیونکہ ایسی غلط خبریں لوگوں کی ذہنی اذیت کی وجہ بنتی ہیں۔
یاد رہے کہ سوشل میڈیا پر وائرل ہونے والی افواہ میں دعویٰ کیا گیا تھا کہ ڈاکٹر زینب نے طلاق لینے کا فیصلہ کیا ہے لیکن اب ڈاکٹر زینب نے واضح کیا ہے کہ یہ تمام مواد جعلی ہے اور ان سے منسوب کرنا غلط ہے۔
دونوں کے درمیان جون 2024 میں شادی ہوئی تھی، اداکار فیروز خان کی یہ دوسری شادی تھی، اداکار کی پہلی شادی علیزے سلطان سے 2018 میں ہوئی تھی لیکن اس کا اختتام طلاق کی صورت میں 2022 میں ہوا۔
