وفاقی وزیر داخلہ محسن نقوی نے کہا ہے کہ اتحاد و اتفاق کی ضرورت جتنی آج ہے پہلے کبھی نہ تھی، پاکستان کی خاطر سب کو مثبت سوچ کیساتھ ایک ہونا ہوگا۔
ذرائع کے مطابق اتوار کو وفاقی وزیر داخلہ محسن نقوی اور گورنر پنجاب سردار سلیم حیدر نے ملاقات کی جس میں باہمی دلچسپی کے امور، سیاسی اور ملکی صورتحال پر تبادلہ خیال کیا گیا۔
گورنر پنجاب نے جنوبی افریقہ کیخلاف ٹی ٹونٹی سیریز جیتنے پر محسن نقوی کو مبارکباد دیتے ہوئے کہا کہ قومی ٹیم نے عمدہ کرکٹ کھیلی اور سیریز اپنے نام کی۔
انہوں نے کہا کہ ملک کی ترقی اور استحکام کیلئے ملکر کام کرنا ہوگا۔
اس موقع پر محسن نقوی نے کہا کہ پاکستان کی خاطر سب کو مثبت سوچ کے ساتھ ایک ہونا ہوگا، اتحاد و اتفاق کی ضرورت جتنی آج ہے پہلے کبھی نہ تھی۔ انہوں نے کہا کہ قومی و عسکری قیادت نے اتحاد و یکجہتی کے ذریعے ہی ہر محاذ پر کامیابیاں سمیٹی ہیں۔
