پاکستان سمیت دنیا بھر میں ہفتے کو صحافیوں کیخلاف جرائم کے خاتمے کا دن منایا گیا، اس موقع پر مختل شہروں میں کانفرنسز کا انعقاد ہوا جس میں صحافیوں کو دوران ڈیوٹی درپیش خطرات کے حوالے سے تبادلہ خیال کیا گیا جبکہ کئی شہروں میں صحافیوں نے اپنے حق میں ریلیوں کا بھی انعقاد کیا۔
صحافیوں کے تحفظ پر کام کرنے والی غیر سرکاری تنظیم کے مطابق رواں سال 6صحافیوں کو قتل کیا گیا اور 11پر قاتلانہ حملے ہوئے۔تنظیم کے مطابق صحافیوں کے تحفظ کیلئے قانون سازی کے باوجود حکومتیں قوانین کو پوری طرح نافذ کرنے میں کامیاب نہیں ہو سکیں جس کے باعث صحافی خود کو غیر محفوظ سمجھتے ہیں۔رپورٹ کے مطابق نومبر 2023ء سے اگست 2024ء کے دوران صحافیوں کے خلاف 57واقعات ریکارڈ کئے گئے ہیں۔
