اسلام آباد: ایف آئی انے 11سال سے قتل مقدمے میں مطلوب اشتہاری ملزم سعودی عرب سے گرفتار کر لیا۔
ترجمان ایف آئی اے کے مطابق ملزم شبیر محمد کو سعودی عرب سے گرفتار کر کے اسلام آباد ایئرپورٹ منتقل کر دیا گیا ہے۔
ملزم کیخلاف قتل کی دفعات کے تحت تھانہ غلام محمد آباد، فیصل آباد میں مقدمہ درج تھا اور وہ 11سال سے پنجاب پولیس کو مطلوب تھا۔ حکام کے مطابق ملزم کو پنجاب پولیس کے حوالے کر دیا گیا ہے۔
ترجمان کے مطابق ملزم کی حوالگی انٹرپول اسلام آباد کی انٹرپول ریاض کے ساتھ قریبی رابطہ کاری کی وجہ سے ممکن ہوئی ہے ۔
