گوجرانوالہ: پنجاب کے مختلف شہروں میں مختلف ٹریفک حادثات میں طالبعلم سمیت 3 افراد جاں بحق جبکہ 5 بچے زخمی ہوگئے ۔تفصیلات کے مطابق پنجاب مختلف کے شہروں میں مختلف ٹریفک حادثات میں 3 افراد جاں بحق جبکہ 5 بچے زخمی ہوگئے ہوگئے۔
گوجرانوالہ میں کنگنی والا ریلوے کراسنگ پر 2 افراد ٹرین کے نیچے آکر جاں بحق ہو گئے ۔ریسکیو حکام کے مطابق دونوں افراد نشے کے عادی تھے جاں بحق ایک شخص کی شناخت 40 سالہ رفاقت کے نام سے ہوئی ہے جبکہ دوسرے شخص کی شناخت نہیں ہو سکی ،نعشوں کو ضروری کاروائی کیلئے ہسپتال منتقل کر دیا گیاہے۔
سرگودھا لاہور روڈ پر مانگے پل کے قریب سکول بچوں کی وین موٹر سائیکل رکشے کو اوورٹیک کرتے ہوئے الٹ گئی جس کے نتیجے میں5 بچے زخمی ہوگئے، جنہیں طبی امداد کیلئے ہسپتال منتقل کردیا گیا، ریسکیو حکام کے مطابق زخمی بچوں میں 10 سالہ رباب، 8 سالہ معظم، 14 سالہ زینب ،حسن اور عرفان شامل ہیں۔
ادھر پتوکی میں پھولنگر بائی پاس کے قریب بس کی ٹکر سے طالبعلم جاں بحق ہوگیا۔ عینی شاہدین کے مطابق جاں بحق طالب علم نے سوار ہونے کیلئے بس روکنے کی کوشش کی کہ نیچے آگیا۔ریسکیو حکام کے مطابق جاں بحق طالب علم کی شناخت 18سالہ عبداللہ فیصل کے نام سے ہوئی ہے۔
