برازیل میں دریائے پیراگوئے کے کنارے آگ بجھانے کے لئےجانے والے فائر فائٹرزہیلی کاپٹرمیں سوار ہورہے ہیں۔(شِنہوا)
ساؤپولو(شِنہوا)برازیل کی بحریہ نے گزشتہ روز دریائے ٹوکانٹنز سے مزید 2 لاشیں نکال لی ہیں جس سے شمالی برازیل میں 22 دسمبر کو منہدم ہونے والے پل کے باعث مرنے والوں کی تعداد بڑھ کر 12 ہوگئی ہے۔
5 افراد تاحال لاپتہ ہیں۔ یہ حادثہ ٹوکانٹنز اور مارنہاؤ ریاستوں کو ملانے والی شاہراہ پر جوسیلینو کوبٹشیک ڈی اولیویرا پل پر پیش آیا تھا۔
سرکاری خبر رساں ادارے ایگنشیا برازیل کے مطابق نیوی کے غوطہ خور، پولیس اور فائر فائٹرز کی مدد سے متاثرین کی تلاش جاری رکھے ہوئے ہیں۔
پل گرنے سے کم از کم 10 گاڑیاں دریا میں گرگئیں جن میں 25 ہزار لٹر کیڑے مار ادویات اور 76 ٹن سلفورک ایسڈ لے جانے والے3 ٹرک بھی شامل تھے۔
نیشنل واٹر ایجنسی کا کہنا ہے کہ پانی کے نمونوں کی جانچ سے پتہ چلتا ہے کہ پانی میں کوئی کیمیائی مادہ نہیں پھیلا۔
نیشنل ڈائریکٹوریٹ آف ٹرانسپورٹ انفراسٹرکچر نے حادثے کی وجوہات پر تحقیقات شروع کردی ہیں۔
