وین چھانگ، ہائی نان(شِنہوا)چین کے وین چھانگ سپیس کرافٹ لانچ سائٹ نے ایک اہم سنگ میل حاصل کیا اور 2025 میں اپنی 10 ویں لانچ مکمل کی، جو سالانہ دو ہندسوں میں خلائی مشنز کی روانگی کا پہلا موقع ہے۔
ریکارڈ ساز مشن میں ایک ترمیم شدہ لانگ مارچ-7 راکٹ نے کامیابی کے ساتھ شی جیان-28 سیٹلائٹ کو مقررہ مدار میں بھیجا، یہ لانگ مارچ سیریز کی مجموعی طور پر 611 ویں پرواز تھی اور یہ عمل اتوار کی شام 8 بج کر20 منٹ (بیجنگ وقت) پر ہوا۔
وین چھانگ سپیس کرافٹ لانچ سائٹ جو ملک کا پہلا خود مختار طور پر ڈیزائن اور تعمیر کردہ ماحول دوست جدید سپیس پورٹ ہے، اس وقت ہر موسم میں قابل استعمال کثیر الجہتی لانچ پیڈز چلاتی ہے اور بھاری پے لوڈز کو نمٹانے کی صلاحیت رکھتی ہے۔
2016 میں اپنے افتتاحی مشن کے بعد سے اس لانچ سائٹ نے کامیابی کے ساتھ 43 خلائی پروازیں انجام دی ہیں اور اس کی سالانہ لانچ کی صلاحیت مسلسل بڑھ رہی ہے۔ یہ درمیانے اور بڑے کریوجینک مائع راکٹس کی زیادہ کثافت والی لانچ کے لئے ایک قابل اعتماد اور معمول کے مطابق صلاحیت رکھتی ہے۔
