سی ٹی ڈی نے ایک ماہ میں پنجاب کے مختلف شہروں میں 386 انٹیلی جنس بیسڈ آپریشنز کے دوران 18 دہشت گردوں کو گرفتار کرلیا۔
ترجمان سی ٹی ڈی پنجاب کے مطابق گرفتار ملزمان میں انتہائی خطرناک دہشت گرد تنظیم کا اہم رکن بھی شامل ہے جو پنجاب کے ایک شہر میں دہشت گردی کی پلاننگ مکمل کر چکا تھا۔
پولیس حکام کے مطابق لاہور، منڈی بہائوالدین، خوشاب، بہاولپور، ٹوبہ ٹیک سنگھ، گجرانوالہ، نارووال، پاک پتن، بھکر میں کی گئی کارروائیوں کے دوران دہشت گردوں سے دھماکہ خیز مواد، ای ائی ڈی بم، تین ڈیٹونیٹرز، 13حفاظتی فیوز وائر، پمفلٹ، نقدی برآمد ہوئی ہے۔
ترجمان کے مطابق گرفتار دہشت گردوں کی شناخت محمد کریم، علی رضا، محمد عزیز، محمد علی، ہاشم، نور الامین، سلیم، صدام و دیگر کے ناموں سے سے ہوئی ہے، ملزمان مختلف مقامات پر کارروائیاں کر کے عوام میں خوف و ہراس پھیلانا چاہتے تھے۔
ترجمان کے مطابق 4601 کومبنگ آپریشنز میں 109892 افراد سے پوچھ گچھ جبکہ 320 مشتبہ افراد کو گرفتار کیا گیا ہے۔
