سندھ کی باکسنگ ٹیم نے شاندار کارکردگی کا مظاہرہ کرتے ہوئے جسٹا کک باکسنگ چیمپئن شپ جیت لی۔پوسٹ گریجویٹ بوائز ڈگری کالج راولاکوٹ پونچھ میں ہونے والی چیمپئن شپ میں کشمیر اور سندھ کے 38 کھلاڑیوں نے شرکت کی۔
سندھ نے 18 گولڈ اور ایک سلور میڈل جبکہ علیشا شاہد حمید نے 44 کلو گرام میں گولڈ میڈل اور ٹائٹل اپنے نام کیا اور آزاد کشمیر سے گلاب شاہ اکیڈمی کی ممبر ارفع آصف نے گولڈ میڈل اور دیگر کھلاڑیوں نے سلور میڈلز جیتے۔ راولاکوٹ میں کھیلے جانے والے فائنل کے مہمان خصوصی سلطان ساقی اور پرنسپل پروفیسر ڈاکٹر یاسر عرفات عباسی تھے، خان تنویر نے کامیاب کھلاڑیوں میں انعامات تقسیم کئے۔
چیمپئن شپ کی سرپرستی جسٹا کک باکسنگ چیمپئن آزاد کشمیر کے صدر راجہ خلیق امتیاز نے کی، کشمیر کی طرف سے ریفری کے فرائض صدام حسین اور شوکت کشمیری نے سرانجام دیئے، کشمیر کے ہیڈ کوچ اسامہ خان جبکہ سندھ ٹیم کے ہیڈ کوچ ناصر خان تھے۔
شرکت کرنے والے کھلاڑیوں کو گولڈ میڈلز اور سیلور میڈلز، سرٹیفکیٹ اور جتنے والی ٹیم کو گولڈ میڈلز اور چیمپئن کپ دیا گیا۔
