حیدر آباد تھانہ نسیم نگر کی حدود میں پولیس مقابلے کے بعد دو بدنام زمانہ ڈاکوئوںکو زخمی حالت میں گرفتار کرلیا گیا۔
ترجمان پولیس کے مطابق ایس ایچ او نسیم نگر عبدالمالک ابڑو پولیس ٹیم کے ہمراہ ڈیتھا گوٹھ کے علاقے میں معمول کی گشت پر موجود تھے کہ اسی دوران نوید ماچھی اور حبیب اللہ ماچھی نامی ڈاکوئوں کیساتھ آمنا سامنا ہوا جس کے بعد فائرنگ کا تبادلہ شروع ہو گیا۔
پولیس کی جوابی فائرنگ کے نتیجے میں دونوں ملزمان زخمی ہو گئے، جنہیں ہسپتال منتقل کر دیا گیا ہے۔ترجمان کے مطابق گرفتار ملزمان کے قبضے سے دو ٹی ٹی پستول، چوری شدہ موٹر سائیکل اور موبائل فونز برآمد ہوئے ہیں۔
پولیس کے مطابق دونوں ملزمان سنگین جرائم میں ملوث اور متعدد وارداتوں میں مطلوب تھے۔
