لاہور: وزیراعظم شہباز شریف اور حمزہ شہباز نے نیب ترمیمی قانون کے تحت رمضان شوگر مل ریفرنس میں ریلیف مانگ لیا۔تفصیلات کے مطابق احتساب عدالت میں وزیراعظم شہباز شریف اور حمزہ شہباز کیخلاف رمضان شوگر مل ریفرنس کی سماعت ہوئی، وزیراعظم شہباز شریف کے نمائندے انوار حسین نے پیش ہو کر حاضری مکمل کرائی۔
دوران سماعت وزیراعظم شہباز شریف اور حمزہ شہباز کے وکیل نے عدالتی دائرہ اختیار بارے درخواست دائر کرتے ہوئے موقف اپنایا کہ نئے نیب قانون کے تحت ریفرنس پر سماعت کا اختیار احتساب عدالت کا نہیں ہے، عدالت ریفرنس واپس چیئرمین نیب کو ارسال کرے۔بعد ازاں عدالت نے درخواست پر نیب سے 11 اکتوبر تک جواب طلب کرتے ہوئے سماعت ملتوی کردی۔
