ممبئی : اپنی مسحور کن آواز اور جذبات کو چھوتے گانوں کی وجہ سے دنیا بھر میں مشہور ارجیت سنگھ ایک پرفارمنس کیلئے 2 کروڑ بھارتی روپے کا معاوضہ وصول کرتے ہیں، جو لوگ ارجیت کی پرفارمنس دیکھنا چاہتے ہیں وہ اسے 2 کروڑ اداکرتے ہیں۔
بھارتی میڈیا سے گفتگو کے دوران ماضی کے مشہور بھارتی میوزک کمپوزر پیارے لال شرما کے بھتیجے مونٹی شرما نے ارجیت کے معاوضے کے حوالے سے حیران کن انکشاف کرتے ہوئے کہا کہ ارجیت سنگھ میرے پاس 6، 6 گھنٹے آکر بیٹھا کرتے تھے ،پہلے لوگ ریڈیو یا ٹیلی ویژن پر گانے سنتے تھے، اب لوگوں نے یوٹیوب پر سننا شروع کردیا ہے۔
انہوں نے مزید کہا کہ او ٹی ٹی اوریوٹیوب کے آنے کے بعد پیسہ بڑھ گیا ہے، اگر میں ایک گانا 15، 20 لاکھ میں گا تا ہوں تو اس کے 90 فیصد حقوق آڈیو کمپنی حاصل کرلیتی ہے۔
