رحیم یار خان: وفاقی وزیر داخلہ محسن نقوی نے رحیم یار خان میں پولیس چوکی پر ڈاکوؤں کے حملے کی مذمت اور 5 شہید اہلکاروں کو خراج عقیدت پیش کرتے ہوئے کہا ہے کہ کچے کے ڈاکوؤں کیخلاف برسر پیکار پولیس اہلکاروں کی عظیم قربانی کو قوم ہمیشہ یاد رکھے گی، جوانوں کی قربانیاں رائیگاں نہیں جائیں گی۔
جاری مذمتی بیان میں محسن نقوی نے شہید پولیس اہلکاروں کے لواحقین سے دلی ہمدردی و تعزیت کا اظہار کرتے ہوئے کہا کہ شہید پولیس اہلکاروں کی قربانی کو سلام پیش کرتے ہیں، پولیس جوانوں نے تاریکی میں بزدلانہ حملہ کرنے والے ڈاکوں کا جوانمردی سے مقابلہ کرتے ہوئے جام شہادت نوش کیا۔
انہوں نے کہا کہ کچے کے ڈاکوؤں کے خلاف برسر پیکار پولیس اہلکاروں کی عظیم قربانی کو قوم ہمیشہ یاد رکھے گی، جوانوں کی قربانیاں رائیگاں نہیں جائینگی۔
