عمان: فلسطین کی وزیر خارجہ فارِسین آغابکیان نے کہا ہے کہ اسرائیل کے ساتھ تنازع کو بین الاقوامی سطح پر لے جانا فلسطینی اتھارٹی کا حق ہے، بین الاقوامی برادری پر لازم ہے کہ وہ اسرائیلی قبضے کے خاتمے اور فلسطینی ریاست کے قیام کی ذمہ داری قبول کرے۔
اردن کے دار الحکومت عمان میں ایک انٹرویو میں انہوں نے کہا دو ریاستی حل کانفرنس کے اختتامی بیان میں عمل درآمد کے لیے واضح بنیادیں موجود ہیں، اور یہ اعلامیہ آئندہ مرحلے میں واضح اور عملی اقدامات کی صورت اختیار کرے گا۔ انہوں نے کہا کہ دو ریاستی حل سے متعلق کانفرنس فلسطینی ریاست کے قیام کو عملی شکل دینے کے لیے نہایت اہم ہے۔
