پیرس: موریشین سائیکلسٹ کمبرلے لی کورٹ نے خواتین کی ٹورڈی فرانس فیمز ریس2025 کا پانچواں مرحلہ جیت لیا ۔ٹور ڈی فرانس فیمز سائیکل ریس کے پانچویں مرحلے میں سائیکل سواروں نیفرانس میں جانئیمارگنی (فیوچرسکوپ) سے گوریٹ تک 165.8 کلو میٹر فاصلہ طے کرنا تھا۔
29 سالہ موریشین سائیکلسٹ کمبرلے لی کورٹ نے عمدہ سائیکلنگ کا مظاہرہ کرتے ہوئے 165.8 کلومیٹر کا فاصلہ 3 گھنٹے 54منٹ اور 7 سیکنڈز میں طے کرکے پہلی پوزیشن حاصل کی۔28 سالہ نیدرلینڈز کی سائیکل سوار ڈیمی وولرنگ نے دوسری جبکہ 35 سالہ نیدرلینڈز کی ہی سائیکلسٹ انا وین ڈیر بریگین نے تیسری پوزیشن حاصل کی۔
پولینڈ کی 30 سالہ سائیکلسٹ کتارزینا نیویاڈوما نے چوتھی پوزیشن حاصل کی۔ 29 سالہ موریشین سائیکلسٹ کمبرلے لی کورٹ نے پانچواں مرحلہ جیتنے کے ساتھ ہی یلو جرسی پر دوبارہ قبضہ حاصل کرلیا ہے۔
ٹور ڈی فرانس فیمز سائیکل ریس 9 مرحلوں پر محیط ہوگی جس میں سائیکل سوار 1168.6کلو میٹر کا سفر طے کریں گی۔ خواتین کی ٹور ڈی فرانس فیمز سائیکل ریس 9 روز جاری رہنے کے بعد 3 اگست کو اختتام پذیر ہوگی۔
