لاہور: لاہور میں منشیات فروشی کے الزام میں سب انسپکٹر، خاتون سمیت 3 افراد کو گرفتار کرلیا گیا۔ تفصیلات کے مطابق لاہور پولیس نے کارروائی کرتے ہوئے منشیات فروشی کے الزام میں ٹبی سٹی تھانے میں تعینات سب انسپکٹر سمیت 3 افراد کو گرفتار کر لیا گیا،گرفتار افراد میں خاتون بھی شامل ہے۔
پولیس کے مطابق چند روز قبل مذکورہ پولیس اہلکار نے منشیات فروش سے 70 کلو چرس پکڑی تھی اور8 لاکھ روپے رشوت لے کر ملزم چھوڑ دیا تھا۔پولیس کے مطابق اہلکار نے ملزم سے پکڑی گئی منشیات بعد میں خود فروخت کی تھی۔
