پنجاب یونیورسٹی شعبہ فلم اینڈ براڈکاسٹنگ کے زیر اہتمام دو روزہ فلم فیسٹول کا آغاز ہوگیا ہے، یونیورسٹی کے وائس چانسلر ڈاکٹر محمد علی نے فیسٹیول کا افتتاح کیا، افتتاحی تقریب میں معروف ہدایتکار سید نور، چیئر پرسن شعبہ فلم اینڈ براڈکاسٹنگ ڈاکٹر لبنیٰ ظہیر، معروف رائٹر آمنہ مفتی سمیت طلبا و طالبات کی بڑی تعداد نے شرکت کی۔
اس موقع پر سید نور نے کہا کہ پاکستان فلم انڈسٹری ری وائیو ہو ہی نہیں سکتی، پرانا دور ختم ہوچکا، اب نئے دور کا آغاز ہونا ہے جو یہ نئی نسل کریگی، ان بچوں کو فلم انڈسٹری کے بارے میں پتا ہونا لازم ہے۔
انہوں نے کہا کہ فلم مکمل جھوٹ پرمبنی ہوتی ہے، بیرون ممالک میں زومبیز اور دیگر موضوعات پر فلمیں بن رہی ہیں، طلبہ کو تمام تر سامان دینے کیلئے تیار ہوں، یہ فلمیں خود بنائیں۔
ہدایتکار سید نور نے کہا کہ فلم بنانے کیلئے مختلف لینز کا استعمال لازم ہے، افسوس ہے کہ کوئی فلم کی طرف نہیں آیا، سب ٹی وی کی طرف گئے۔
انہوں نے کہا کہ آئندہ سال نمبر ون فلم کو 2 لاکھ روپے دوں گا۔
