پاکستان کی معروف ٹی وی میزبان اور اداکارہ نادیہ خان نے بھارتی اداکار ورون دھون کے پاکستان مخالف بیان پر سخت ردِعمل دیتے ہوئے کہا ہے کہ ورون دھون نے سخت وارننگ دینے کی کوشش کی مگر بیان ان کیلئے الٹا ثابت ہوا، یہ انداز ورون دھون پر بالکل بھی جچتا نہیں کیونکہ وہ کبھی ایکشن ہیرو کے طور پر تسلیم ہی نہیں کئے گئے، ورون دھون کا یہ بیان بھارت اور پاکستان دونوں میں بری طرح ٹرول ہوا، انہیں ایسے بیانات دینے کے بجائے اپنے کیوٹ کرداروں تک محدود رہنا چاہئے، بھارت حقیقی جنگی صورتحال میں کچھ کرنے کی صلاحیت نہیں رکھتا، اسی لئے اپنی خواہشات فلموں کے ذریعے پوری کرتا ہے، حقیقت میں بھارت پاکستان کیخلاف منفی اقدامات کرتا رہا ہے مگر عالمی سطح پر اب اسکی آواز کمزور ہوتی جا رہی ہے اور وہ تنہائی کی جانب بڑھ رہا ہے۔
نادیہ خان نے کہا کہ بھارتی فلم انڈسٹری فلمسازی میں مہارت رکھتی ہے اور ہم انکی فلموں کی تعریف بھی کرتے ہیں لیکن جنگ جیسے سنجیدہ موضوعات پر بات کرنا انکے بس کی بات نہیں کیونکہ عملی میدان میں انکی کارکردگی ناکام رہی ہے، اگر کسی کو وارننگ دینی ہی تھی تو ورون دھون کے بجائے کسی اور کو منتخب کیا جانا چاہئے تھا، کیونکہ وہ خود کوئی عملی طاقت نہیں رکھتے۔
