پشاور: وزیراعلی خیبر پختونخوا علی امین گنڈاپور نے مخصوص نشستوں پر منتخب ارکان کی گورنر ہائوس میں حلف برداری کیخلاف درخواست دائر کردی۔
درخواست میں وفاقی حکومت، رجسٹرار پشاور ہائیکورٹ، گورنر، الیکشن کمیشن اور دیگر کو فریق بناتے ہوئے موقف اپنایا گیا ہے کہ سپیکر صوبائی اسمبلی نے ممبران سے حلف لینے سے انکار نہیں کیا، اسمبلی اجلاس شروع ہوا تو کورم کی نشان دہی پر سپیکر نے اجلاس 24 جولائی تک ملتوی کیا، ایسے میں گورنر ہائوس میں ارکان سے حلف لینا ماورائے آئین ہے۔
درخواست میں کہا گیا ہے کہ آئین کا آرٹیکل 65 ارکان اسمبلی سے حلف اسمبلی ہاس میں لینے کا کہتا ہے۔ آرٹیکل 255(2)میں ناقابل عمل/ناممکن لفظ لکھا ہے۔ درخواست کے مطابق چیف جسٹس کے پاس آرٹیکل 255(2)کے تحت جوڈیشل اختیارات ہیں، انتظامی طور پر وہ اس کو نہیں دیکھ سکتے۔
وزیراعلی، سپیکر صوبائی اسمبلی انکار کریں تو پھر چیف جسٹس کسی کو نامزد کرے گا، ہمیں سننے کا موقع نہیں دیا گیا، چیف جسٹس نے گورنر کو حلف کیلئے نامزد کردیا۔
