اسلام آباد: این ڈی ایم اے نے بتایا ہے کہ یکم جولائی سے 27اگست تک بارشوں،سیلاب سے ملک بھر میں 245افراد جاں بحق،446 زخمی ہوئے۔
تفصیلات کے مطابق این ڈی ایم اے نے یکم جولائی سے 27 اگست تے ہونیوالی بارشوں اور سیلاب کے باعث ہونیوالے جانی و مالی نقصانات بارے رپورٹ جاری کردی۔ رپورٹ کے مطابق یکم جولائی سے 27 اگست تک ملک میں 245 لوگ جاں بحق ہوئے،سب سے زیادہ 92 افراد پنجاب،74،خیبرپختونخوا،74سندھ،22بلوچستان،6 کشمیر اور4 جی بی میں جاں بحق ہوئے جن میں 121 بچے اور 48 خواتین شامل ہیں۔
رپورٹ کے مطابق سیلاب اور بارشوں سے حادثات میں 446 افراد زخمی بھی ہوئے،زخمی ہونے والوں میں 158مرد،107 خواتین اور181 بچے شامل ہیں۔ رپورٹ کے مطابق بارشوں اور سیلاب سے 1002 مکانات مکمل تباہ،3475 کو جزوی نقصان ہوا،8 سکولوں،35 پلوں کو نقصان پہنچنے کے علاوہ 609 مویشی بھی ہلاک ہوئے۔
