کراچی:وزیراطلاعات سندھ شرجیل میمن نے بارشوں کے باعث سمندر میں طغیانی کے خدشے کے پیش نظر ماہی گیروں کو سمندر میں نہ جانے کی ہدایت کرتے ہوئے کہا ہے کہ بارش کو مدنظر رکھ کر تمام تیاریاں مکمل ہیں،وزیراعلی ہاؤس میں رین ایمرجنسی سیل قائم، نکاسی آب کیلئے ٹاؤنزکو ضروری مشینری فراہم کردی ہے۔
تفصیلات کے مطابق کراچی میں میڈیا سے گفتگو کرتے ہوئے وزیر اطلاعات سندھ شرجیل میمن نے کہا ہے کہ سندھ بھر میں آج سے 31 اگست تک شدید بارشوں کا امکان ہے جس کے پیش نظر حکومت سندھ کی تیاریاں مکمل ہیں۔ انہوں نے بتایا کہ وزیر اعلیٰ ہاؤس میں رین ایمرجنسی سیل قائم کردیا ہے۔
انہوں نے کہا کہ نکاسی آب کیلئے ٹاؤنز کو ضروری مشینری فراہم کردی ہے،کے ایم سی اور واٹر بورڈ کے نکاسی آب کے سسٹم کو بہتر کیا گیاہے۔انہوں نے کہا کہ بارشوں کے باعث سمندر میں طغیانی کا خدشہ ہے، ماہی گیر سمندر میں نہ جائیں۔
