پاکستان نے بنگلہ دیش میں کھیلی جانیوالی تین میچوں کی سیریز کے تیسرے اور آخری ہاکی میچ میں بنگلا دیش کو شکست دیکر سیریز میں کلین سویپ کر دیا ہے، ورلڈ کپ کوالیفائنگ راونڈ میں جگہ بنانے کیلئے پاکستان اور بنگلا دیش کے مابین ڈھاکا میں سیریز کا آخری مقابلہ بھی یکطرفہ ثابت ہوا اور پاکستان نے سیریز 0-3 سے اپنے نام کرلی۔
پاکستان کی جانب سے پینالٹی کارنر سپیشلسٹ محمد سفیان خان بہترین کارکردگی دکھاتے ہوئے ڈبل ہیٹرک کیساتھ 6 گول، عبدالرحمن نے دو جبکہ ندیم احمد اور رانا ولید نے ایک ایک گول سکور کیا۔
بنگلا دیش کی جانب سے عبداللہ، رقیب الحسن اور اشرف الحسن نے گیند کو جال کی راہ دکھائی، محمد سفیان خان مین آف دی میچ قرار پائے۔
