پاکستانی ٹی وی اور فلم انڈسٹری کی باصلاحیت اداکارہ نمرہ شاہد اداکاری کے علاوہ اپنی قدرتی خوبصورتی اور پراثر آنکھوں کے باعث بھی خاصی مقبول ہیں، حال ہی میں وہ نادیہ خان کے مارننگ شو شریک ہوئیں جہاں انہوں نے بالی ووڈ اداکارہ کاجول سے موازنہ کئے جانے پر کھل کر بات کی، اس حوالے سے نمرہ شاہد کا کہنا تھا کہ ڈرامہ معمہ نشر ہونے کے بعد بہت سے لوگ انہیں کاجول سے مشابہ قرار دے رہے ہیں خاص طور پر آنکھوں کی وجہ سے۔
وہ خود نہیں جانتیں کہ یہ تعریف ہے یا نہیں، لیکن سمجھتی ہیں کہ ایک اداکارہ کیلئے پر اثر آنکھیں ہونا ایک مثبت بات ہے۔
نمرہ نے اس موازنے کو خوش دلی سے قبول کیا اور مداحوں کی محبت کا شکریہ ادا کیا۔
