اسلام آباد : اے ٹی سی نے توڑ پھوڑ مقدمے میں عمران خان اور شاہ محمود کو ویڈیو لنک کے ذریعے عدالت پیش کرنے کا حکم دے دیا۔ تفصیلات کے مطابق اے ٹی سی اسلام آباد میں جج طاہر عباس سپرا نے بانی پی ٹی آئی عمران خان و سابق وزیر خارجہ شاہ محمود قریشی کیخلاف توڑ پھوڑ مقدمے کی سماعت کی۔جج طاہر عباس سپرا نے سوال کیا کہ کیا شاہ محمود سزا یافتہ قیدی ہیں؟ کون سی جیل میں ہیں؟، پی ٹی آئی وکیل نے کہا کہ شاہ محمود سزا یافتہ نہیں، لاہور کی کوٹ لکھپت جیل میں قید ہیں۔عدالت نے جیل سپرنٹنڈنٹ کو آئندہ سماعت پر عمران خان اور شاہ محمود کو ویڈیو لنک کے ذریعے پیش کرنے کا حکم دیتے ہوئے کیس کی سماعت 7 ستمبر تک ملتوی کردی۔
