بدھ, فروری 19, 2025
پاکستانصدر مملکت کا ایئر چیف کے ہمراہ نیشنل ایرو اسپیس سائنس اینڈ...

صدر مملکت کا ایئر چیف کے ہمراہ نیشنل ایرو اسپیس سائنس اینڈ ٹیکنالوجی پارک کا دورہ

صدر آصف زرداری نے نیشنل ایرو اسپیس سائنس اینڈ ٹیکنالوجی پارک میں جدید تکنیکی ماحولیاتی نظام کی موجودگی کو سراہتے ہوئے کہا ہے کہ جدید جنگی چیلنجز سے نمٹنے ،قومی تزویراتی اہمیت کے حامل منصوبے کو بے مثال مدت میں مکمل کرنے پر پاک فضائیہ کی قیادت کا وژن اور فعالیت قابل تعریف ہے ۔

صدر آصف زرداری نے پاک فضائیہ کے سربراہ ایئر چیف مارشل ظہیر احمد بابر سدھو کے ہمراہ پاک فضائیہ کے زیر اہتمام نیشنل ایرو اسپیس سائنس اینڈ ٹیکنالوجی پارک کا دورہ کیا ۔دورے کے دوران صدر مملکت کو پارک کے بارے میں تفصیلی بریفنگ دیتے ہوئے بتایا گیا کہ سائنس اینڈ ٹیکنالوجی پارک پاک فضائیہ کی ترقی کے سفر میں اہم سنگ میل ہے ،یہ منصوبہ قومی اہمیت کا حامل ہے، یہ پارک پاکستان میں علم اور ٹیکنالوجی پر مبنی معیشت کی بنیاد بننے کیلئے تیار ہے۔

صدر کو بتایا گیا کہ پارک کا مقصد خلائی، سائبر، آئی ٹی، مصنوعی ذہانت اور ایرو اسپیس میں نجی اور پبلک سیکٹر کے اداروں کو جوڑنا ہے،سائنس اینڈ ٹیکنالوجی پارک دنیا کے بہترین ایرو اسپیس، سائبر اور آئی ٹی کلسٹرز میں شامل ہونے کیلئے پوری طرح تیار ہے۔ بریفنگ میں بتایا گیا کہ یہ پارک ابھرتی ٹیکنالوجیز، تحقیق و تیاری اور اختراعی مراکز کے ساتھ قومی منظر نامے کو بدلنے کی صلاحیت رکھتا ہے۔صدر کو آگاہ کیا گیا کہ اس پارک سے ملک کو سماجی، اقتصادی، سیکیورٹی اور سائنسی طور پر فائدہ ہوگا۔

اس موقع پر صدر مملکت نے پاک فضائیہ اور اس کے ہنر مند اہلکاروں کی تعریف کی اور نیشنل ایرو اسپیس سائنس اینڈ ٹیکنالوجی پارک میں جدید ترین تکنیکی ماحولیاتی نظام کی موجودگی کو سراہا۔صدر مملکت نے جدید جنگی چیلنجوں سے نمٹنے اور قومی تزویراتی اہمیت کے حامل اس منصوبے کو بے مثال مدت میں مکمل کرنے پر پاک فضائیہ کی قیادت کے وژن اور فعالیت کی تعریف کی۔

انٹرنیوز
+ posts
متعلقہ خبریں
- Advertisment -
Google search engine

زیادہ پڑھی جانے والی خبریں

error: Content is protected !!