غرب اردن: اسرائیل کے جنوبی لبنان میں ڈرون حملے کے نتیجے میں حزب اللہ کے 2ارکان شہید ہوگئے۔ غیر ملکی میڈیا کے مطابق اسرائیل نے جنوبی لبنان میں ڈرون حملہ کر کے حزب اللہ کے 2 ارکان کو شہید کردیا جبکہ حزب اللہ نے جوابی کارروابی کرتے ہوئے اسرائیلی فوجی تنصیبات کو راکٹوں اور گائیڈڈ میزائلوں سے نشانہ بنایا ،اسرائیلی کابینہ نے گولان حملے پر شدید ردعمل دینے کا فیصلہ کیا ہے۔
دوسری جانب کشیدہ صورتحال پر فرانس ،جرمنی اوراردن کی فضائی کمپنیوں نے بیروت کی پروازیں روک دی ہیں۔ اسرائیل کی لبنان میں حزب اللہ ٹھکانوں پر حملے کی دھمکی کے بعد امریکہ، اٹلی اور جرمنی نے اپنے شہریوں کو لبنان چھوڑنے جبکہ برطانیہ، فرانس اور دیگر ممالک نے سفری انتباہ جاری کیا ہے۔
