اسلام آباد: پی ٹی اے نے عوام کو موبائل فون خریدتے محتاط رہنے کی ہدایت کردی۔ تفصیلات کے مطابق جاری بیان میں پی ٹی اے نے عوام کو کلون یا ڈوپلیکیٹ موبائل ڈیوائسز کے استعمال میں احتیاط برتنے کی ہدایت کرتے ہوئے تجویز دی ہے کہ عوام ہمیشہ ڈبا پیک موبائل فونز خریدیں تاکہ اس بات کو یقینی بنایا جا سکے کہ فون کا IMEIنمبر اس کے ڈبے پر موجود نمبر سے مماثل ہے اور باکس پر مستند اسٹیمپ موجود ہے۔بیان میں کہا گیا ہے کہ عوام ویب سائٹ پر اپنے موبائل فونز کی تصدیق ڈی وی ایس ایپ یا 8484پر IMEIنمبر ٹیکسٹ کرکے کر سکتے ہیں۔
بیان میں کہا گیا ہے کہ اگر کسی کو فراڈ کا شکار ہونے کا شک ہو تو ایسی صورت میں وہ دکاندار سے رابطہ کرے اور اس بات کو یقینی بنائے کہ موبائل فون ڈبہ پیک ہے اگر پھر بھی کوئی مسئلہ ہو تو ایف آئی اے کو اس کی اطلاع دی جائے۔
