چین کے مشرقی صوبے ژے جیانگ کے شہر تھونگ شیانگ کے قصبے پو یوآن کے پویوآن فیشن ریزارٹ میں سیاح روایتی مظاہرہ دیکھ رہے ہیں-(شِنہوا)
بیجنگ(شِنہوا)سانپ سال میں بہار تہوار کی آمد کے ساتھ چین سونے کے مٹھوں کے گرد لپٹے سانپوں سے لے کر بڑے اور پھولے ہوئے جسموں والے ناگوں تک سنسناہٹ پیدا کرنے والے کھردرے جسم والے جانور کی شاندار نمائش سے بھر گیا ہے۔
اس سال آنے والا بہار تہوار دسمبر 2024 میں یونیسکو کے غیر مادی ثقافتی ورثے کی فہرست میں شمولیت کے بعد پہلا بہار تہوار ہے۔اس شمولیت سے جوش و خروش بڑھ گیاہےاور نئے چینی سال کے موقع پر 28 جنوری سے شروع ہونے والی چھٹیوں سے قبل ہی جشن کا سماں پھیل گیا ہے۔
جشن کے سماں میں مشرقی اور مغربی دونوں روایات میں پیچیدہ ثقافتی اہمیت کی علامت سانپ اپنے منفی تاثرات ختم کرتے ہوئے مبارک اور جشن کا کردار اپنا رہا ہے۔
سانپ چینی سال کی نمائندگی کرنے والے 12 جانوروں کی گردش میں لونگ کے بعد اور گھوڑے سے پہلے چھٹے نمبر پر آتا ہے۔
چینی قمری سال کے مطابق سانپ سال لیپ سال ہے جس سے یہ 384 دنوں کے ساتھ ایک طویل سال بن گیا ہے۔اس سال بہار تہوار کی چھٹیوں میں ایک چھٹی کا اضافہ کیا گیا ہے جو روایتی طور پر 7 دن پر مشتمل ہوتی ہے۔
چینی ادبی روایت میں سانپ تجدید،لمبی عمر اور صحت کی علامت ہے۔اس کی جلد کی چھلنی کو دوبارہ جنم لینے اور جوان ہونے کی ایک طاقت ور علامت کے طور پر دیکھا جاتا ہے۔
توقع ہے کہ بہار تہوار میں ملک کے ڈیزائنرز،لوک فنکار اور ثقافتی ورثہ محفوظ بنانے والےاپنی تخلیقات میں سانپ کی علامتیں شامل کرنے کی جانب راغب ہوں گے۔
