اسلام آباد: جماعت اسلامی نے کہا ہے کہ حکومت مذاکرات و گرفتاریاں کر کے ڈبل گیم کررہی ہے،احتجاج کسی بھی سیاسی جماعت کا جمہوری حق، خواتین کارکنوں سے بدسلوکی کی گئی۔ ایک بیان میں ترجمان جماعت اسلامی نے خواتین کارکنان کا قافلہ روکنے کی شدید مذمت کرتے ہوئے کہا ہے کہ خواتین کا قافلہ پرامن طریقے سے اسلام آباد دھرنے میں جا رہا تھا،احتجاج کسی بھی سیاسی جماعت کا جمہوری حق ہے، حکومت کی طرف سے خواتین کارکنوں سے بدسلوکی کی گئی۔انہوں نے کہا کہ پنجاب پولیس نے دھرنے میں جانے والی خواتین کو بسوں سے زبردستی اتارا۔انہوں نے کہا کہ حکومت ایک طرف مذاکرات اور دوسری طرف گرفتاریاں کر کے ڈبل گیم کر رہی ہے۔
