چین کا خلا کی گہرائی میں تحقیق کے لیے نئے مشن بھیجنے کا اعلان 

بیان ژی گانگ نے جمعرات کو بیجنگ میں ایک پریس کانفرنس میں بتایا کہ  مستقبل کے یہ تین مشن سیاروں کی کھوج  کے ان چار مشنز میں شامل ہیں جن کی حکومت نے منظوری دی ہے۔ مریخ کی جانب 2021 میں بھیجا گیا پہلا مشن تیان وین -1مکمل کامیابی حاصل کر چکا ہے جبکہ بقیہ مشن 10 سے 15 سالوں میں مکمل ہونے کی امید ہے۔ انہوں نے بتایا کہ ملک کے مستقبل کے سیاروں کی تحقیق کے مشنز میں نظام شمسی کی ابتدا اورارتقاء، زمین پر چھوٹے اجسام اور شمسی سرگرمیوں کے اثرات اور زمین کے علاوہ کائنات میں دوسری جگہوں پر زندگی کے آثار جیسے بڑے سائنسی اہداف پر توجہ دی جائے گی۔