واشنگٹن: ترجمان امریکی محکمہ خارجہ میتھیو ملر نے کہا ہے کہ امریکہ پاکستان کے اندرونی سیاسی معاملات پر کوئی پوزیشن نہیں لیتا، پاکستان میں جمہوریت کی مضبوطی، دہشت گردی کے مقابلے کیلئے کانگریس سے 101 ملین بجٹ کی درخواست کی ہے۔
غیر ملکی میڈیا کے مطابق واشنگٹن میں پریس بریفنگ کے دوران ترجمان امریکی محکمہ خارجہ میتھیو ملر نے کہا کہ امریکہ پاکستان کے اندرونی سیاسی معاملات پر کوئی پوزیشن نہیں لیتا۔ انہوں نے کہا کہ ہم احترام جمہوریت، انسانی حقوق اور سیاسی جماعتوں کے ساتھ یکساں سلوک پر زور دیتے ہیں۔
انہوں نے کہاکہ پاکستان میں جمہوریت مضبوط کرنے اور دہشت گردی سے مقابلے کیلئے کانگریس سے 101ملین ڈالر بجٹ کی درخواست کی ہے، ایسے پروگرام رواں مالی سال اور پچھلے برسوں میں ہوتے رہے ہیں۔
