لاہور : لاہور ہائیکورٹ نے عمران خان پر سنگین مقدمات بنانے کیخلاف درخواست پر پنجاب حکومت کو رپورٹ جمع کرانے کا حکم دے دیا۔ تفصیلات کے مطابق لاہور ہائیکورٹ میں جسٹس عالیہ نیلم کی سربراہی میں دو رکنی بینچ نے پنجاب حکومت کی جانب سے بانی پی ٹی آئی عمران خان کیخلاف سنگین مقدمات بنانے بارے دائر درخواست پر سماعت کی۔ درخواست گزار کی جانب سے ایڈووکیٹ لطیف کھوسہ عدالت میں پیش ہوئے۔
عدالت نے درخواست گزار کے وکیل سے استفسار کیا کہ آپ کو تمام معلومات فراہم کر دی گئی ہیں؟ جس پر ایڈووکیٹ لطیف کھوسہ نے بتایا کہ ابھی معلومات فراہم نہیں کی گئی۔سرکاری وکیل نے عدالت کو بتایا کہ میٹنگ ہوئی ہے لیکن ابھی سائن نہیں ہوئے، دو سے 3دن لگیں گے، عدالت نے حکم دیا کہ دو دن کا وقت ہے ،تمام مراحل مکمل کر کے رپورٹ عدالت میں جمع کروائیں۔ بعدازاں عدالت نے درخواست پر مزید سماعت 27جون تک ملتوی کر دی۔
