لاہور: پنجاب اسمبلی میں آپریشن ‘عزم استحکام’ کی حمایت میں قرارداد جمع کرا دی گئی۔تفصیلات کے مطابق (ن) لیگی رکن اسمبلی حنا پرویز بٹ نے پنجاب اسمبلی میں آپریشن عز م استحکام کی حمایت میں قرار جمع کروا دی۔ قرار کے داد متن میں کہا گیا کہ یہ ایوان وزیراعظم شہباز شریف کی جانب سے آپریشن عزم استحکام کی منظوری کو خوش آئند قرار دیتا ہے اور افواج پاکستان، پولیس، و سیکیورٹی اداروں کو مکمل تعاون کی یقین دہانی کراتا ہے۔
قرارداد میں کہا گیا ہے کہ ایوان آپریشن عزم استحکام کی کامیابی کیلئے دعاگو ہے ۔متن میں کہا گیا ہے کہ دہشتگردی کے خاتمے کیلئے وفاق اور صوبائی حکومتوں کو متحد اور یک نکاتی ایجنڈے پر متفق ہونا چاہئے، دہشتگردی کے ناسور کو جڑ سے ختم کرنے کیلئے قوم افواج پاکستان اور سکیورٹی اداروں کے شانہ بشانہ کھڑی ہے،پرامن پاکستان خوشحال پاکستان کا ضامن ہے، نیشنل ایکشن پلان کے تمام نکات پر حقیقی معنوں میں عملدرآمد یقینی بنایا جائے۔
