لاہور : وزیراعلی پنجاب مریم نواز نے کہا ہے کہ پنجاب حکومت خواتین کو بااختیار بنانے ،صنفی مساوات کو فروغ دینے کیلئے پرعزم ہے،معاشرتی ترقی خواتین کی ترقی کیساتھ منسلک ہے،سفارتکاری میں خواتین کا کردار امن کو فروغ دینے میں اہم،عالمی تعلقات میں کیریئر اختیار کرنا چاہئے ۔تفصیلات کے مطابق عالمی یوم خواتین برائے سفارتکاری کے موقع پر پیغام میں وزیراعلی پنجاب مریم نواز نے کہا کہ آج کا دن خواتین سفارتکاروں کی غیر معمولی خدمات کے اعتراف کیلئے منایا جاتا ہے۔
انہوں نے کہا کہ یہ دن ہمیں سفارتی میدان میں صنفی مساوات کیلئے کئے گئے اقدامات کی یاد دلاتا ہے۔ انہوں نے کہا کہ خواتین کو تمام شعبوں میں آگے بڑھنے کے
یکساں مواقع میسر ہیں،پنجاب حکومت خواتین کو بااختیار بنانے اور صنفی مساوات کو فروغ دینے کیلئے پرعزم ہے۔
انہوں نے کہا کہ معاشرتی ترقی خواتین کی ترقی کے ساتھ گہرائی سے منسلک ہے،سفارتکاری میں خواتین کا کردار امن کو فروغ دینے میں اہم ہوتا ہے۔انہوں نے کہا کہ ڈاکٹر ملیحہ لودھی اور دیگر نے سفارتی کامیابیوں میں نمایاں کردار ادا کیا، خواتین کو سفارتکاری اور بین الاقوامی تعلقات میں کیریئر اختیار کرنا چاہئے ۔
پنجاب حکومت خواتین کو بااختیار بنانے،صنفی مساوات کو فروغ دینے کیلئے پرعزم ہے،مریم نواز
