اسلام آباد: وفاقی حکومت نے بیرون ممالک سیاسی پناہ لینے والوں کو پاکستانی سپورٹ جاری نہ کرنے کا فیصلہ واپس لے لیا۔ تفصیلات کے مطابق نائب وزیراعظم و وزیر خارجہ اسحاق ڈار کی زیرصدارت اعلی سطحی اجلاس ہوا جس میں اوورسیز پاکستانیوں کی فلاح و بہبود بارے متعدد امور پر غور کیا گیا۔
اجلاس میں سیکرٹری خارجہ، سیکرٹری داخلہ، ڈی جی ایمیگریشن اینڈ پاسپورٹ اور وزارت خارجہ کے سینئر حکام نے شرکت کی ۔نائب وزیراعظم کو سیکرٹری داخلہ اور ڈی جی ایمیگریشن و پاسپورٹ نے بیرون ملک مقیم پاکستانیوں کو بروقت پاسپورٹ کے اجراء کی سہولت بارے بریفنگ دی۔
اجلاس میں بیرون ملک سیاسی پناہ کے خواہاں افراد کیلئے پاکستانی پاسپورٹ کا اجراء معطل کے5جون 2024ء کے سرکلر کو فوری طور پر واپس لینے کا فیصلہ کیا گیا۔متعلقہ حکام نے وزیر خارجہ اسحاق ڈار کو یقین دہانی کرائی کہ سمندر پار پاکستانیوں کے پاسپورٹ 60دن کے اندر جاری کردیئے جائیں گے۔
