چین کے نائب وزیراعظم اور امریکی وزیرخزانہ کی اقتصادی امور پر ویڈیوکال

چین کے نائب وزیراعظم حہ لی فینگ نے امریکی وزیر خزانہ سکاٹ بیسنٹ کے ساتھ دو طرفہ اہم اقتصادی امور کے بارے میں  ویڈیو کال پر گفتگو کی۔(شِنہوا)

بیجنگ(شِنہوا)چین کے نائب وزیراعظم اور چین-امریکہ اقتصادی اور تجارتی امور کے حوالے سے کلیدی شخصیت حہ لی فینگ نے امریکی وزیر خزانہ سکاٹ بیسنٹ کے ساتھ اہم دو طرفہ اقتصادی امور پر ویڈیو کال کی۔

دونوں فریقوں نے ویڈیو کال پر بات چیت کے دوران سربراہان مملکت کے درمیان طے پانے والے اتفاق رائے پر عملدرآمد اور چین اور امریکہ کے درمیان اقتصادی میدان میں اہم امور پر تفصیلی تبادلہ خیال کیا۔

دونوں رہنماؤں نے دوطرفہ اقتصادی اور تجارتی تعلقات کی اہمیت کو تسلیم کیا اور متعلقہ تشویش کے امور پر رابطے برقرار رکھنے پر اتفاق کیا۔

چینی فریق نے چین کے خلاف حالیہ اضافی امریکی محصولات اور پابندیوں کے دیگر اقدامات پر بھی شدید تشویش کا اظہار کیا۔